~~~~~~~~~~~~~~~~~~~~~~~~~~~~~ Eplica web management system Eplica 3 : (4 @ 211fa08) Tags [release/4.7] License Eplica ISP hosted solution eplica-is-1.hugsmidjan.is:: ~~~~~~~~~~~~~~~~~~~~~~~~~~~~~ Hugsmiðjan ehf. Tel. +354 550-0900 www.eplica.is ~~~~~~~~~~~~~~~~~~~~~~~~~~~~~
Niðurstöður umfangsmikilla fóðurtilrauna á bleikju sýna að lækka má fóðurkostnað umtalsvert án þess að dragi úr vexti fisksins. Próteinþörfin virðist lækka hratt eftir að smáseiðastigi sleppir.
Komið hefur í ljós í mikilli ljósatilraun við eldi á þorski að stöðug ljósastýring á kvíastigi eldisins hafði jákvæð áhrif á vöxt fisksins samanborið við fisk sem haldið var við náttúrulega ljóslotu.
Sérfræðingum Matís hefur tekist að þróa fljótvirka og ábyggilega erfðagreiningaraðferð til að greina Ichthyophonus hoferi sýkilinn í síld og öðrum fiskum.
Frá um mitt ár 2004 hefur verið fylgst með hringormum og öðrum líffræðilegum þáttum hjá þorski í áframeldi í Skutulsfirði, og hefur m.a. komið í ljós að selormar eru greinilega mjög langlífir.
Landssamband fiskeldisstöðva hefur tekið saman í áhugaverða skýrslu um framtíðaráform og stefnumótun í fiskeldi hér á landi. Samdráttur hefur verið umtalsverður í laxeldi undanfarin ár, en nú er bleikjan að koma sterk inn.
Það skiptir verulegu máli að hafa fulla stjórn á aðstæðum við framleiðslu og flutning á frystum afurðum. Það þykir ekki gott að hægfrysta fisk eða láta hann þiðna upp í flutningi, slíkt rýrir óhjákvæmilega gæði afurða.
Fram er komin áhugaverð samantekt um möguleika fiskmarkaðar fyrir almenning, þar sem gestir og gangandi geta kynnst óþrjótandi möguleikum íslensks sjávarfangs og komist í tæri við afurðirnar og keypt sér spennandi hráefni til matargerðar.
Valka ehf, sem sérhæfir sig í þróun og markaðssetningu á tækjabúnaði og hugbúnaði fyrir fiskiðnaðinn, hefur afhent og sett upp nýjan flokkara fyrir flokkun og pökkun á laxaflökum til Vikenco AS í Noregi.
Fiskur sem er látinn bæða í sjó með miklum vatnsskiptum, eftir að búið er að slægja og áður en hann fer í kælingu, skilar betri flakagæðum, einkum með tilliti til litar.
Hægt er að búa til kavíar úr þaraafurðum, og er hægt að finna slíkar afurðir víða á mörkuðum í Evrópu, en heildarmarkaðurinn er frekar smár og verðið lágt.
Valka ehf og HB Grandi hf hafa undanfarin 2 ½ ár unnið að því að greina möguleika á því að auka framleiðni í fiskvinnslunni með nýtingu á þjörkum. Í verkefninu hefur sérstaklega verið horft til að sjálfvirknivæða einhæf röðunarstörf. Sérstaklega hefur verið skoðuð röðun inn á skurðarvélar og inn á lausfrysta.
Í mörg ár hefur verið unnið að ýmsum lausnum til að auka nýtingu í bolfiskvinnslu og á síðasta ári styrkti AVS sjóðurinn fyrirtækið 3X Technology til að hanna nýtt marningskerfi svo ná mætti m.a. meira holdi af hryggjum eftir flökun.
Hægt er að auka nýtingu í lifrarniðursuðu um 20-25% með því að nota ensím til að fjarlægja himnuna, sem er utan á lifrinni, afköstin aukast einnig umtalsvert og gæði afurðarinnar eru mun meiri og jafnari en áður.
Það fer ekkert á milli mála í huga okkar Íslendinga að fiskur og fiskafurðir er bráðholl næring, en það er samt mikilvægt að hafa mælingar og gögn sem sýna að svo sé. AVS sjóðurinn hefur styrkt mælingar á næringarefnum enda nauðsynlegt fyrir útflytjendur að hafa nýjar og áreiðanlegar upplýsingar við hendina.
Í AVS verkefninu "Aukið verðmæti uppsjávarfisks" hefur verið þróuð ný aðferð til að spá fyrir um skemmdarferla uppsjávarafla. Sú aðferðafræði sem þróuð er í verkefninu gæti reynst notadrjúg til að skipuleggja meðhöndlun og vinnslu uppsjávarafla, þannig að stærri hluti hans skilaði sér til manneldis eða til framleiðslu á hágæðamjöli.