~~~~~~~~~~~~~~~~~~~~~~~~~~~~~ Eplica web management system Eplica 3 : (4 @ 1040f32) Tags [release/4.7.1] License Eplica ISP hosted solution eplica-is-1.hugsmidjan.is:: ~~~~~~~~~~~~~~~~~~~~~~~~~~~~~ Hugsmiðjan ehf. Tel. +354 550-0900 www.eplica.is ~~~~~~~~~~~~~~~~~~~~~~~~~~~~~
Á undanförnum árum hafa komið á markað nýjar saltfiskafurðir, þar sem reynt hefur verið að koma til móts við breyttar kröfur neytenda, bæði hér á landi og í helstu markaðslöndum Íslendinga. Stuttur tími til undirbúnings og eldunar eru kröfur neytendans, og því var ráðist í það verkefni að kanna geymsluþol á þíddum útvötnuðum saltfiski í neytendapakkningum.
AVS styrkti smáverkefni sem hafði það að markmiði að kanna hvort fýsilegt sé að hefja eldi á leturhumri (Nephrops norvegicus) í ljósi tækniframfara í eldi á Evrópuhumri (Homarus gammarus) í Noregi. Niðurstaða verkefnisins er í stuttu máli að ekki er talinn grundvöllur fyrir eldi á leturhumri, en öðru máli gegnir með Evrópuhumarinn.
Á næstunni munu birtast auglýsingar frá AVS sjóðnum um umsóknafrestina á næsta ári. Miðað verður við sömu tímamörk og áður, þannig að aðalumsóknafresturinn er 1. febrúar 2007.
Komið hefur í ljós í verkefni styrkt af AVS að lækka megi próteininnihald í fóðri hjá þorski þegar hann er orðin 3-500g að srærð. Almennt er talið að fóður sé um 40-60% af heildarframleiðslukostnaði í þorskeldi og prótein í fóðri er dýrasti hluti þess.
Einar K. Guðfinnsson sjávarútvegsráðherra hélt blaðamannafund í húsnæði Marorku hf í dag þar sem hann kynnti ársyfirlit AVS rannsóknasjóðsins fyrir árið 2006. Ætla má að AVS rannsóknasjóðurinn hafi frá upphafi stuðlað að nýsköpun og rannsókna- og þróunarstarfsemi fyrir um a.m.k. 1 ½ milljarð króna. Á blaðamannafundinum sagði sjávarútvegsráðherra nauðsynlegt að festa sjóðinn í sessi til lengri tíma. Hann hafi þjónað tilgangi sínum vel og verið rannsóknum og þróun í sjávarútveginum mikil lyftistöng.
Finnbogi Jónsson sem hefur verið formaður Fiskeldihóps AVS hættir og er honum þökkuð vel unnin störf. Kristján G. Jóakimsson tekur við formennsku Fiskeldishóps AVS og Jón Kjartan Jónsson kemur nýr inn í hópinn.
Lesa nánar
Vel sótt bleikjuráðstefna var haldin föstudaginn 27. október s.l. Þar komu saman allir helstu framleiðendur bleikju og margir vísindamenn sem hafa lagt stund á rannsóknir sem tengjast eldi íslenskrar bleikju.
Menn eru ekki alltaf á eitt sáttir um leiðir í vinnslu sjávarafurða og því er mikilvægt að mismunandi vinnsluaðferðir séu rannsakaðar á skipulegan máta svo hámarka megi verðmæti íslensks sjávarfangs. Álit framleiðenda á áhrifum ólíkra kæliaðferða eftir veiði á gæði og nýtingu saltfiskafurða hefur verið nokkuð mismunandi. Er þá fyrst og fremst átt við ísunaraðferðir, flöguís / vökva- eða krapaís.
Bleikjan er að margra áliti sá fiskur sem best hentar til fiskeldis á Íslandi, en hún er vel aðlöguð að lífi á norðurslóðum og nær útbreiðsla hennar norðar ern nokkurrar annarrar ferskvatnsfisktegundar. Fjallað verður um bleikjuna á ráðstefnu föstudaginn 27. október n.k. þar sem stefnt er að því m.a. að gefa yfirlit yfir stöðu og framtíðaráform í bleikjueldi á Íslandi.
Nýlega lauk verkefni þar sem kannað var hvort mögulegt sé að nota minna af þvottaefnum við þrif á fiskvinnslubúnaði, en með sama árangri. Lækkun á styrk þvottaefna getur þýtt fjárhagslega hagræðingu fyrir fiskvinnslufyrirtækin og ekki síst umhverfisvænni vinnubrögð.
Nýlega lauk þeim hluta verkefnisins Forvarnir í fiskeldi sem sneri að flokkun baktería, tilraunum með bætibakteríur og próteinmengjarannsóknum (B-hluti verkefnisins) en þetta var tveggja ára verkefni sem styrkt var af AVS sjóðnum og Nora (Nordisk Atlantsamarbeide) 2004-2006.
Um áramótin 2005/2006 lauk viðmiklu verkefni “Samanburðar á eldi villtra þorskseiða og eldisseiða í landeldi á Nauteyri við Ísafjarðadjúp og áframeldi í kvíum á Seyðisfirði við Ísafjarðardjúp” sem var samstarfsverkefni Stofnfisks hf., Hraðfrystihússins Gunnvarar, Útibús Hafrannsóknastofnunarinnar á Ísafirði og Háafells ehf.
Íslendingar eru á meðal mestu fiskneysluþjóða í heimi og tengja það oft langlífi og góðu heilsufari þjóðarinnar almennt, en nú eru vissar blikur á lofti í þeim efnum, enda hefur fiskneysla, sérstaklega ungs fólks dregist verulega saman á undanförnum árum. AVS hefur styrkt verkefni þar sem markmiðið er að kanna viðhorf ungs fólks til fiskneyslu.
Marorka er hátæknifyrirtæki sem sérhæfir sig í orkustjórnun og rannsóknum á sviði orkumála. Fyrirtækið framleiðir orkustjórnunarkerfi og veitir ráðgjöf vegna hönnunar orkukerfa skipa og orkustjórnunar um borð í þeim. Undanfarin ár hefur AVS stutt ötullega við bakið á Marorku við þróun á orkustjórnunarkerfinu Maren.