Rannsókna- og þróunarverkefni

Ef þið hafið spurningar hafið þá samband í síma 453 6161  eða avs@avs.is

Leiðbeiningar 2012

Eyðublað 2012 -- vinsamlegast skila umsókn í word-skjali EKKI pdf.

Nú þurfa allir þátttakendur að undirrita umsóknir

Rannsókna- og þróunarverkefni

Stærsti styrktarflokkkur AVS sjóðsins er vegna rannsókna- og þróunarverkefna. Slík verkefni hafa frá upphafi verið fyrirferðamest í styrkveitingum sjóðsins og sem fyrr eru það líkindi á að verkefni stuðli að auknu verðmæti sjávarfangs og að í því felist nýnæmi, sem mest vega þegar verkefni eru metin.

AVS sjóðurinn er tilbúinn til að greiða allt að 50% af kostnaði verkefnanna, en hámarksstyrkir eru 6-8 m.kr.

Lögð er áhersla á stutt og hnitmiðuð verkefni sem geta skapað mikil verðmæti á stuttum tíma. Sjóðurinn er opinn fyrir öllum hugmyndum sem auka verðmæti sjávarfangs s.s. orkusparandi veiðiaðferðum, vistvænni veiðitækni, fullvinnslu, vörur í smásölu eða á borð neytenda, nýjum afurðum, nýrri tækni, aukinni nýtingu, matarferðamennsku, hönnun, fiskeldi, nýjum tegundum eða öðru því sem getur skila styrkþegum verðmætri afurð á stuttum tíma.

Umsækjendur eru beðnir um að vinna umsóknina miðað við nýjar leiðbeiningar sjóðsins og nota NÝTT eyðublað AVS (skjalasniðmát fyrir umsóknir). Vinsamlegast skilið umsóknum sem word skjali EKKI pdf.

Frestur til að skila inn umsóknum er 1. febrúar 2012 - Rafræn skil fyrir kl 17:00

Umsóknum skal skilað með tvennum hætti:

1. Senda skal umsókn ásamt öllum fylgiskjölum, ef einhver eru, sem viðhengi til avs@avs.is fyrir kl. 17:00 þess dags sem frestur rennur út.
2. Senda skal einnig undirritað eintak, sem skal í öllum atriðum vera eins og rafræna eintakið til AVS rannsóknasjóðs, Háeyri 1, 550 Sauðárkrókur.

Framhaldsverkefni.

Þegar sótt er um framhaldsstyrk þá er umsækjendum bent á að nota umsókn sem skilað var inn til sjóðsins síðast og bæta við texta sem lýsir framkvæmd einstakra verkþátta og tilgreina hvað hefur verið framkvæmt af ætlaðri vinnu, hvað á eftir að gera og hverju hefur verið breytt frá fyrri áætlun. Mikilvægt er að nota annað letur eða lit til að aðgreina viðbætur frá eldri texta.

Mikilvægt er að skila inn framvinduskýrslu að auki, þar sem farið er yfir helstu niðurstöður verkefnisins fram að þeim tíma sem nýrri umsókn er skilað.