Fréttir
  • Að draga línu
    Að draga

Stór beita = stór fiskur

25.5.2009

Stærri fiskur bítur frekar á stóra beitu og að sama skapi veiðist mun meira af smáfiski ef beitan er smá. Þó beitustærðin sé meira afgerandi þáttur en krókastærð, þá skiptir krókastærð einnig máli og að jafnaði veiðist stærri fiskur á stærri króka við línuveiðar.

Á Hafrannsóknastofnuninni er unnið að rannsóknum á áhrifum króka- og beitustærða á stærðarval við línuveiðar, en AVS sjóðurinn styrkti rannsóknina. Rannsóknirnar hafa staðið yfir frá því í fyrra og hafa nú þegar verið farnir fimm dagróðrar með Ramónu ÍS sem gerð er út frá Ísafirði.

Gerður hefur verið samanburður á fimm mismunandi krókastærðum og tveimur beitustærðum. Aflabrögð hafa verið misjöfn eins og gengur, en þokkalegur ýsu-, þorsk- og steinbítsafli hefur fengist

Niðurstöður sýna glögglega að það skiptir verulegu máli að huga að beitu- og krókastærðum við línuveiðar.

Niðurstöður hafa verið teknar saman í skýrslu: Áhrif króka- og beitustærða á stærðarval við línuveiðar.

Tilvísunarnúmer AVS: R 022-07



Til baka Senda grein

header2


Útlit síðu:

Þetta vefsvæði byggir á Eplica