Fréttir

Hallandi beingarðs- og flakaskurður er byggir á þrívíðri röntgengreiningu

Verkefninu "Hallandi beingarðs- og flakaskurður er byggir á þrívíðri röntgengreiningu" R 114-12 er lokið

17.5.2016

Valka hefur á undanförnum árum unnið mikla þróunarvinnu í tengslum við sjálfvirkan beinaskurð á fiskflökum. Mikilsverður árangur hefur náðst og eru í dag alls 7 sjálfvirkar beinaskurðarvélar í fullri notkun við skurð á þorski og öðrum hvítfiski á Íslandi og í Noregi.

Valka hefur á undanförnum árum unnið mikla þróunarvinnu í tengslum við sjálfvirkan beinaskurð á fiskflökum. Mikilsverður árangur hefur náðst og eru í dag alls 7 sjálfvirkar beinaskurðarvélar í fullri notkun við skurð á þorski og öðrum hvítfiski á Íslandi og í Noregi. Til viðbótar þeim vélum hafa 4 vélar verið seldar sem koma til afhendingar á næstu mánuðum. Þessar vélar eru að skila fiskvinnslunum miklum ávinningi í formi bættrar nýtingar, betri hráefnismeðhöndlunar og nákvæmari skurði en áður hefur sést. Ljóst er að þessi árangur hefði ekki náðst ef ekki hefði komið til frábærs samstarfs við framsækin fiskvinnslufyrirtæki hér á landi og hefur HB Grandi stutt sérstaklega vel við bakið á verkefninu með því að koma að því á fyrstu stigum í hugmyndavinnunni en næsta skref var svo að taka fyrstu vélina í notkun við skurð á karfaflökum og loks var fyrsta R 114-12vélin sem nýtt var í skurð á þorskflökum tekin í notkun í fiskiðjuveri HB Granda á Akranesi um mitt ár 2013. Þá hjálpaði myndarlegur stuðningur frá Tækniþróunarsjóði og AVS-sjóðnum verkefninu mikið og ljóst er að sá stuðningur hafði mikið að segja um að þróunarvinnan gekk eins hratt og vel fyrir sig og raun varð á.

 

Þróunarvinnunni var síður en svo lokið þó svo að hinu þriggja ára þróunarverkefni sem unnið var með Rannís og AVS sjóðnum sé lokið. Það var því mikill fengur að því fyrir verkefnið að fá alls 3,3 mNOK styrk frá samtökum fiskvinnslustöðva í Noregi (FHF) og Innovation Norge um mitt ár 2014. Í því verkefni hefur mikil áhersla verið lögð á heildarvinnslulínuna auk vinnu við að auka ennfrekar nákvæmni í skurðinum.  Það verkefni er einnig í samvinnu við öflug fyrirtæki í iðnaðinum bæði hér á Íslandi og í Noregi. Þetta þróunarverkefni er á lokametrunum og hefur skilað miklum árangri en ljóst er að áfram er unnt að auka skilvirkni í fiskvinnslunni og mun Valka vinna að því um ókomin ár. 

Skýrsla vegna verkefnisins er fyrst um sinn lokuð.

Til baka Senda grein

header2


Útlit síðu:

Þetta vefsvæði byggir á Eplica