Fréttir
  • Krapaker_fra_3X_Technology
    Krapaker frá 3X Technology

Nýjar tæknilausnir fyrir línuveiðiskip

22.10.2009

Fiskur sem er látinn bæða í sjó með miklum vatnsskiptum, eftir að búið er að slægja og áður en hann fer í kælingu, skilar betri flakagæðum, einkum með tilliti til litar.

AVS verkefnið „Vinnsluferill línuveiðiskipa“ hefur það að markmiði að þróa og hanna nýjar tæknilausnir til beitningar og meðhöndlunar á fiski eftir veiði um borð í línuveiðiskipum með það að leiðarljósi að hámarka hráefnisgæði, auka vinnuhagræði og draga úr kostnaði við ferlið.

Farið var í sjóferð um borð í Stefni ÍS 28 í marsmánuði 2009 til að prófa kæli og blóðgunarkerin þar um borð sem smíðuð og framleidd eru af 3X Technology. Tilgangur þeirrar ferðar var að finna út hvaða vinnsluaðferð skilaði bestum árangri m.t.t gæði hráefnisins. Prófaðar voru mismunandi aðferðir (mismunandi hópar) með blóðgun, slægingu og kælingu hráefnisins um borð. Til að meta gæðin var síðan lagt mat á lit og los flakana í vinnslu Hraðfrystihússins Gunnvarar á Ísafirði.

Helstu niðurstöður þessa verkefnis gáfu til kynna að með því að láta fiskinn blæða í sjó, með miklum vatnsskiptum, eftir að búið er að slægja fiskinn og áður en hann fer í kælingu, gefur betri litar holdgæði á flakinu. Þegar los flakana var skoðað í skynmatinu, þá reyndist ekki nægjanlega marktækur munur á milli hópana, þ.e.a.s engin ein vinnsluaðferð skar sig úr í gæðum m.t.t loss.

Hitastig-i-fiskum-i-keri

Línuritið hér á síðunni sýnir plott þriggja hitanema fyrir hóp nr 1. Einn nemi í hvorum fisk fyrir sig. Fiskarnir voru síðan settir í 440L ker niðri í lest, einn fiskur staðsettur neðst, einn í miðju og einn efst í keri. Sjá má einnig af línuritinu hversu snögg kæling verður niður í ca -0,5°C þessi árangur næst á 25 mínútum með það að nota krapa-kælikerin. Síðan er fisknum komið fyrir niður í lest þar sem hitastigið helst áfram vel fyrir neðan núll gráðurnar þar til í vinnslu er komið nokkrum dögum seinna.

Samstarfsaðilar verkefnisins eru Matís ohf, 3X Technology ehf, Vísir hf, Brim hf, Hraðfrystihúsið Gunnvör hf og Samherji hf. AVS rannsóknasjóður og Tækniþróunarsjóður styrkja þetta verkefni.

Eitt ár er eftir af verkefninu þar sem lögð verður áhersla á beitningaraðstöðuna, flokkun aflans á vinnsludekkinu og hönnun lestarkerfis um borð í línuveiðiskipinu.

Tilvísunarnúmer AVS: R 037-07



Til baka Senda grein

header10


Útlit síðu:

Þetta vefsvæði byggir á Eplica