AVS rannsóknir kynntar á alþjóðlegri ráðstefnu í Bandaríkjunum
IFT (Institute of Food Technologists) ráðstefnan er stærsta matvælavísindarástefna sem haldin er í heiminum og er sótt af fleiri þúsund manns árlega. Meðal rannsókna/verkefna sem Matís kynnti voru verkefni styrkt af AVS tengt lífvirkum peptíðum úr þorski, loðnu og bragðefnum, lífvirkni fjölfenóla úr sjávarfangi, vinnslueiginleikum fiskipeptíða og einnig rannsóknir tengt verkunareinkennum saltfisks. Verkefnin sem voru kynnt eru:
- Gull í greipar Ægis (R 023-07)
- Einangrun, hreinsun og rannsóknir á blóðþrýstinglækkandi peptíðum úr fiskpróteinum (R 047-07)
- Lífvirk bragðefni úr íslensku sjávarfangi ( R 043-08)
- Ferlastýring við veiði, vinnslu og verkun saltfisks (R 045-05)
Rannsóknirnar vöktu mikla athygli og var mikið um fyrirspurnir um samstarf. Ljóst er frá þessarri ráðstefnu að sérstaklega er mikil vakning tengt lífvirkum afurðum úr hafinu og er Matís í fararbroddi á þessu sviði. Næsta IFT ráðstefna er í Chicago 2010 og stefnir Matís á aðra sterka innkomu þá með kynningar á verkefnum styrktum af AVS.
