Beint í leiðarkerfi vefsins.
Fréttir
Aukin fiskneysla fæst með aukinni fræðslu
Ljóst er að foreldrar hafa mest hvetjandi og mótandi áhrif á fiskneyslu ungs fólks og þeir sem hafa vanist því að borða fisk í æsku halda því áfram síðar á ævinni. Í ljós kom að fræðsla og þekking jók greinilega fiskneyslu hjá ungu fólki.
Marningskerfi
3X Technology á ísafirði hefur á þessu ári fengið styrk frá AVS sjóðnum til að þróa nýjan búnað til að vinna marning úr aukaafurðum. Megin áherslan er lögð á að ná fiskholdi af hryggjum án þess að marningurinn mengist blóði.
Ensím vinnur verkið
Notkun ensíms sparar mikinn tíma við hreinsun á lifur fyrir niðursuðu, en ensímið leysir upp himnuna á yfirborði lifrarinnar og við það losna ormar sem búið hafa um sig undir henni. Fram til þessa hefur þurft að handvinna þessa snyrtingu, sem er mjög tímafrek.
Vinnsluferill um borð í línuveiðiskipum
Umtalsverðar rannsóknir hafa verið gerðar undanfarin ár og áratugi á vinnsluferlum og meðhöndlun afla um borð í togskipum. Með aukinni áherslu á línuveiðar er þörf fyrir auknar rannsóknir á vinnsluferli línuskipa, því inntaka aflans í skipin er mismunandi fyrir þessi tvö útgerðarform.
Fiskvali
Stjörnu-Oddi vinnur að þróun fiskvala, flokkunarbúnaðar sem velur sjálfvirkt fisk inn og út úr trolli. Sjómenn forrita búnaðinn og velja með því tegundir og stærðir inn í trollið, öllum öðrum fisk verður sleppt út úr trollinu.
