Merki fyrir ábyrgar fiskveiðar
Íslenskt merki um ábyrgar fiskveiðar Íslendinga var kynnt á Íslensku sjávarútvegssýningunni þann 3. október s.l.. Merkið er markaðstæki fyrir íslenska framleiðendur sjávarafurða og viðbrögð við kröfum markaða um að sjávarafurðir komi úr fiskistofnum, sem nýttir eru á ábyrgan hátt. Merkið skírskotar til íslensks uppruna afurða, en mörg markaðssvæði leggja áherslu á að fá skýra upprunatengingu við Ísland.
Merkið verður tilbúið til notkunar síðar í þessum mánuði og munu framleiðendur, sem þess óska, geta prentað það á umbúðir samkvæmt reglum, sem um notkun merkisins gilda.
Unnið er að undirbúningi vottunar ábyrgra fiskveiða, þar sem óháður alþjóðlega viðurkenndur vottunaraðili mun leitast við að staðfesta að íslenskar fiskveiðar séu stundaðar á sjálfbæran hátt.
Frekari upplýsingar veita:
Finnur Garðarsson
Fiskifélagi Íslands
Sími 591 0308
Farsími 896 2400
Tölvupóstfang: finnur () fiskifelag.is
og
Kristján Þórarinsson, LÍÚ
Sími: 591 0306
Farsími: 824 2306
Tölvupóstfang: k () liu.is
Tilvísunarnúmer AVS: R 016-07
