Promens Dalvík áður þekkt sem Sæplast hefur hafið framleiðslu á nýstárlegu fiskikeri sem er léttara en önnur ker og með meira inntaksrúmmál en áður hefur þekkst. Hönnun keranna gerir það að verkum að þau draga úr rýrnun og mari á fiski og bæta gæði hráefnis. Fiskikerið er þróað í samvinnu við Matís ohf. (Matvælarannsóknir Íslands) og FISK Seafood á Sauðárkróki og til verkefnisins fékkst styrkur hjá AVS. Lesa nánar

Sjávarútvegsráðherra hefur samþykkt tillögur stjórnar AVS rannsóknasjóðs varðandi úthlutun aflaheimilda til áframeldis á þorski fyrir yfirstandandi fiskveiðiár. Lesa nánar

Viðamikil rannsókn meðal ungs fólks á aldrinum 17 til 26 ára bendir til að Íslendingar muni borða enn minna af fiski í framtíðinni en þeir gera í dag ef ekkert verður að gert. Ungt fólk borðar fisk sem aðalrétt að meðaltali 1,3 sinnum í viku sem er töluvert undir þeirri fiskneyslu sem Lýðheilsustöð ráðleggur. Fiskneysla þessa aldurshóps hefur dregist verulega saman á undanförnum árum.

Lesa nánar

Þá er komið að því að ensím úr íslenskum þorskum ratar í snyrtivörur fyrir erlendan markað. AVS sjóðurinn hefur stutt rannsókna og þróunarstarf Dr. Jóns Braga Bjarnasonar undanfarin ár.

Lesa nánar

Síðastliðið ár var unnið verkefni með styrk frá AVS rannsóknarsjóði um stöðu og tækifæri líftækni á Íslandi. Samtök íslenskra líftæknifyrirtækja og AVS unnu verkefnið með sérfræðingunum Steven Dillingham og Rune Nilssen hjá Strategro og Einari Þór Bjarnasyni hjá Intellecta. Greind var staða og möguleikar líftæknigreinarinnar, styrkur hennar og veikleikar. Einnig var skoðað hvernig aðrar þjóðir hafa náð forskoti á þessu sviði.  

Lesa nánar