Bleikjuráðstefna 27. október n.k.
Bleikjan er að margra áliti sá fiskur sem best hentar til fiskeldis á Íslandi, en hún er vel aðlöguð að lífi á norðurslóðum og nær útbreiðsla hennar norðar ern nokkurrar annarrar ferskvatnsfisktegundar. Fjallað verður um bleikjuna á ráðstefnu föstudaginn 27. október n.k. þar sem stefnt er að því m.a. að gefa yfirlit yfir stöðu og framtíðaráform í bleikjueldi á Íslandi.
Dagskrá ráðstefnunnar er viðamikil og áhugaverð þar sem fjallað verður um flest það sem huga þarf að við bleikjueldi. Nánari upplýsingar er að finna á http://www.fiskeldi.is/bleikjuradst.html
Á ráðstefnuna er hægt að skrá sig með að hringja í síma Hólaskóla 455 6300 eða með því að senda tölvupóst (holaskóli@holar.is).
Þátttökugjald er 6.000 kr á mann og á að greiða það inn á reikning Landsambands fiskeldisstöðva: 526-14-605243 kt, 460187-1419
DAGSKRÁ:
Fundastjórar
Finnbogi Jónsson, Landsamband fiskeldisstöðva og Fiskeldishópi AVS og Skúli Skúlason, Hólaskóla
Innritun
Innritun hefst klukkan 09:00
Setning
Ráðstefnan hefst klukkan 09:30 með ávarpi landbúnaðarráðherra
Yfirlit frá bleikjueldisstöðvum
- Bleikjueldi hjá Samherja, Jón Kjartan Jónsson (20 mín
- Bleikjueldið hjá fiskeldisstöðinni Glæðir ehf. á Kirkjubæjarklaustri, Birgir Þórisson (10 mín
- Bleikjueldi hjá Fiskeldinu Haukamýragili, Jóhann Geirsson (10 mín)
- Framleiðslukostnaður í bleikjueldi, Aage Steinsson (15 mín)
- Umræður (20 mín)
Kynbætur og líffræði bleikju
- Kynbætur á bleikju fyrir íslenskt fiskeldi, Einar Svavarsson (15 mín)
- Bleikjukynbætur hjá Stofnfiski, Jónas Jónasson (15 mín)
- Vöxtur bleikju, Albert K. Imsland (15 mín)
- Áhrif plöntuhráefna á vöxt og viðgang bleikju, Ólafur I. Sigurgeirsson (10 mín)
- Þörf á framtíðarrannsóknum á fóðri fyrir bleikju, Jón Árnason (10 mín)
- Betri vatnsnýting í bleikjueldi, Ragnar Jóhannsson
- Sjúkdómar og forvarnir í bleikjueldi, Gísli Jónsson (15 mín)
- Forvarnir gegn nýrnaveiki - rannsóknaaðferðir, Sigurður Helgason (15 mín)
- Umræður (20 mín)
Rekstur, vinnsla og markaðsmál
- Gæðastýring í bleikjueldi, Soffía Vala Tryggvadóttir (15 mín)
- Með bleikju á boðstólum, Guðbjörg Glóð Logadóttir (15 mín)
- Lífrænt bleikjueldi, Gunnar Á. Gunnarsson (15 mín)
- Markaðsmál - framtíðarskipulag og samstarf, Guðbergur Rúnarsson (15 mín)
- Bleikja sem markaðsvara -Helstu niðurstöður, Árni Ólafsson (15 mín)
- Samkeppnishæfni bleikjueldis Íslandi, Valdimar Ingi Gunnarsson (15 mín)
- Umræður (20 mín)
Almennar umræður og stefnumótun í rannsókna og þróunarvinnu
- Samantekt og áherslur í R&Þ, Helgi Thorarensen (15 mín)
- Almennar umræður (30 mín)
Ráðstefnuslit
Gert er ráð fyrir að ráðstefnunni ljúki klukkan 18:00 og verða þá veitingar í boði landbúnaðarráðherra
