Rf á Ísafirði með stórt þorskeldisverkefni í undirbúningi
Þorleifur Ágústsson, verkefnisstjóri hjá Rf á Ísafirði vann að því að kalla til helstu sérfræðinga hérlendis og erlendis í fiskeldi til að starfa saman að lausn ótímabærs kynþroska hjá þorski í eldi. Nú er verið að leggja lokahönd á umsókn til Evrópusambandsins og eru samstarfsaðilarnir frá Íslandi, Svíþjóð, Noregi og Skotlandi.
Aðstaða sú sem Rf í samstarfi við Hraðfrystihúsið Gunnvör hf. hefur komið upp fyrir Vestan mun verða þungamiðjan í þessum rannsóknum, sem er góð viðbót við þær þorskeldistilraunir sem hafa verið unnar á Vestfjörðum.
Ljóslotustýringar gætu haft mikil áhrif á vöxt fiska og þar með á arðsemi þorskeldis ef til tekst eins og stefnt er að þ.e.a. seinka eða hindra kynþroska.
Einn samstarfsaðilinn í verkefninu mun leggja til ljósabúnaðinn http://www.intravision.no
Myndin með fréttinni sýnir 8 rannsóknasjókvíar - staðsettar við Súðavík í Álftafirði við Ísafjarðardjúp.
